Euskal eurohiriaren sorrera
Baiona-Donostia mugaz gaindiko lankidetza-proiektua 1993ko urtarrilaren 18an sortu zen, Baiona-Angelu-Miarritze Barrutiko Henri Grenet orduko presidenteak eta Gipuzkoako Foru Aldundiko diputatu nagusi Eli Galdosek sinatutako mugaz gaindiko lankidetza hitzarmenarekin. (
Mugaz gaindiko Lankidetza Hitzarmena)
Euskal Eurohiria mugaz gaindiko lurralde batean finkatzen da, eta erabateko “hiri continuum” bat osatzen duena:
- Europako batez bestekoaren gainetik dagoen barne produktu gordinarekin (BPGd),
- Europa mailan eta maila atlantikoan estrategikoa den kokapenarekin,
- ekoizpen sareari lotutako gaitasun zientifiko adierazgarriarekin eta kalitatezko giza baliabideekin
- askotariko kultur eta aisialdiko eskaintzarekin, eta nazioartean ospe handia duen turismoarekin.
Haren helburua Baiona eta Donostiaren arteko 50 kilometroko tartean zabaltzen den hiriko errealitatea (gaur egun, administrazio egitura ezberdinak bata bestearen alboan jartze hutsarekin antolatuta dago) 600.000 biztanleko Europako metropoli berri batean bihurtzea, eta metropoli horretako azpiegiturak, hiri-zerbitzuak eta gobernuaren tresnak elkarrekin sortuko dira.
1997an
1997an, proiektuaren garapena errazteko, Baiona-Angelu-Miarritze Barrutiak eta Gipuzkoako Foru Aldundiak Euskal Eurohiria garatzeko mugaz gaindiko agentzia sortu zuten, Interes Ekonomikoko Europako Talde modura (AEIE), legean agindutako formarekin (mugaz gaindiko agentziaren estatutuak eta barne-araudia).
Haren jarduteko printzipioak honako hauek izan ziren, eta hala izaten jarraitzen dute gaur egun ere:
- Elkar ezagutzeko denbora ematea,
- Elkarrekiko errespetua,
- Gobernantzako eredu berri bat bilatzea: “eskumenen arteko ituna”,
- Baterako oreka bat bilatzea: ·”lankidetza-lehiakortasuna”,
- Bultzada publikoa eta garapenerako lankidetza publiko-pribatua,
- Epe luzerako ikuspegia,
- Proiektuen proiektu filosofia,
- Geometria aldagarria, proiektu bakoitzerako eskala egokia bilatzea.
1998an
1998an, mugaz gaindiko agentziak hausnarketa estrategikoko prozesu bat abian jarri zuen arku atlantikoaren eta Europako hiri sistemaren bihotzean metropoli bat eraikitzeko. Hausnarketa estrategiko interaktibo hori 2000. urteko ekainean amaitu zen, Euskal Eurohiriaren Liburu Zuria idatzi zenean, eta liburu horrek 3 helburu nagusi ditu:
- Intermodalitateko, komunikazioko eta informazioko plataforma atlantikoa ezartzea, igarobiderako egungo korridorea garapeneko euro-korridore bihurtuz,
- Sarean jardungo duen metropoli lineal polizentriko bat egituratzea, espazioa eta azpiegiturak kontrolatuz. Eskainiko dituen zerbitzuek eta ekipamenduek, halaber, Europa mailako metropoli izateko baldintzak beteko dituzte, haien artikulazioari eta kalitate mailari dagokienez.
- Natur ondarea babestea eta balioan jartzea, ingurumen bikaintasunaren bidez, eta “metropoli berdea” kontzeptuari aplikatuz.
Liburu Zuria argitaratu ostean, mugaz gaindiko agentziak hainbat ekintza gauzatu ditu, haien artean:
- Euskal Eurohiriko garraio azpiegiturei buruzko azterketa prospektiboa.
- Hondakinen tratamendu orokorrari buruzko azterketa, mugaz gaindiko mailan.
- Eurohiriaren webgunea.
- Eurohiria neurtzeko adierazle sistema (gaikako behatokiak).
- Eurohiriaren mugaz gaindiko lehen mapa, datu geografikoen homogeneizazioari esker (Eurohiriaren ortoargazkia).
Gainera, agentziak sektoreko zenbait batzorde abian jarri zituen (ingurumena, kultura, turismoa, gizarte zerbitzuak, ekonomia arloko sinergia, kirolak, habitataren eta etxebizitzaren behatokia, osasun publikoaren behatokia). Esparru horretan abiarazitako ekintzen artean, ondorengoak azpimarratzen ditugu:
- gazteentzako mugaz gaindiko kongresu bat antolatzea ingurumenaren gainean.
- Eurohiriaren ingurumen mapa bat egitea.
- Gida eta argitalpen batzuk idaztea: ingurumeneko ekipoei buruzko gida, kirol gida, “Zure eskura” Eurohiriko hiri hizkuntzei buruzko gida hirueleduna, goi mailako hezkuntzako gida, Eurohiriaren administrazio antolaketaren gida…
2008an
2008an, mugaz gaindiko agentziaren jarduera bi ardatz estrategikotara bideratu zen:
Garapen iraunkorrera eta mugikortasunera.
- Garapen iraunkorraren barnean, agentziak
Euskal Eurohiriaren sare berdea eta urdina (REDVERT) abian jarri zituen. - Mugikortasunean, agentziak Baiona eta Donostiaren artean zametako hausturarik gabeko tren garraio pausatua garatzeko azterketak egin ditu (Eurocité Express).
Gaur, 20 urteko lanaren ostean, mugaz gaindiko agentziak hausnarketa estrategiko bat sustatu nahi du, Euskal Eurohiriaren proiektuari beste bultzada bat emateko asmoz – BIHARKO EUROHIRIrako.
© 2010 | Eurociudad Vasca - Baiona San Sebastián
webgunearen mantentzea: NOVALDI